KAMUNDUHAN 1

Written by Mundoko

 

pasimula:

1

Sa loob ng isang subdivision, isang kaguluhan ang naganap dahil sa isang nabigong pagtatangkang pagnanakaw ng dalawang kawatan. Ito ang siyang nadatnan ng mag-inang Giana o mas kilalang bilang Gina na ina ni Kathy Lyn o mas kilala bilang Katlyn, buhat sa mall kung saan may botique ang ginang na si Mrs. Gina.

Si Mrs. Gina ay hiwalay sa asawa, tatlong taon palang ang anak nila ng kabiyak na si Katlyn na ngayon ay nasa sa edad na labingwalo (18) na silang magkahiwalay, habang si Mrs. Gina naman ay nasa edad na apatnapu’t lima (45). Sa pangyayaring iyon sa kanilang kapitbahay mismo sa tapat lang ng kanilang bahay, ay nabahala ang magandang ginang.

Katlyn: mabuti na lang mommy hindi na tiempohaon ng mga magnanakaw na iyon ‘tong bahay natin! araw-araw pa namang palaging walang tao dito. (saad nito sa ina habang sabay na kumakain ang mga ito)

Mrs. Gina: oo nga anak e, hindi pa naman stay in si Manang! maganda pa nga siguro nito e, humanap tayo ng kakasamahin dito sa bahay! (sagot naman nito sa anak na nag-aaral sa isang sikat na unibersidad sa kamaynilaan)

Katlyn: pero dapat naman mommy ‘yung mapagkakatiwalaan natin at ‘yung kilala na natin! mahirap na din kasi panahon ngayon.

Sa pag-uusap na iyon ng mag-ina ay pasumandaling nag-isip ang magandang mrs., iniisip nito kung sino ba ang maaari nilang kasamahin sa bahay. Hanggang sa maisip nito ang isa niyang pamangkin na si Gary bente uno (21) anyos, anak ng kaniyang kapatid na ina ng binata. Ulila ng lubos ang binata at kasalukuyan itong nanunuluyan sa kamag-anak sa partido ng ama nito sa probinsya sa timog katagalugan sa may paanan ng kabundukan. At nang maisip na nga ito ni Mrs. Gina, ay siya niyang iminungkahi sa kaniyang anak.

Katlyn: lalake mommy…? (ang may gulat pa nitong tinuran sa ina sunod ang pag-inom nito ng tubig)

Mrs. Gina: pinsan mo naman siya at isa pa, ulila na kuya Gary mo! at alam ko din na, mapagkakatiwalaan siya, ayaw mo bang makilala ‘yung pinsan mo? (saglit na tumahimik ang dalaga bago ito sumagot)

Katlyn: sige na nga mommy, pero kapag may ginawa ‘yan na ‘di maganda palalayasin ko ‘yan mommy! (ang may pagbabanta nito sa ina na napangiti naman sa tinuran ng anak)

Mrs. Gina: yes boss…(ang nakangiti nitong tugon sa dalaga)

Hanggang sa nagpatuloy na ang mag-ina sa kanilang hapunang iyon.

Samantala, isang araw buhat sa isang bayan sa quezon. Isang abalang binata na nagkakarga ng inuling nito ang makikita sa bandang gitna ng kabundukan. At siya si Gary, bagama’t tama lang ang laki ng katawan nito nguni’t may hubog naman iyon at dasik. Pagkaraan niyang maikarga ang lahat ng inuling nito na may dami ng bilang na lima sa paragos ay tumuloy na ito pababa ng kabundukan. Hanggang sa makarating ito sa kanilang nayon at nagtuloy ito sa bahay na kaniyang tinutuluyan. At pagsapit nga nito sa bahay na iyon ay ang siya namang paglabas ni Aling Tessie, ang t’yahin ng binata na asawa ng kaniyang t’yo Danding na kapatid ng kaniyang ama.

Aling Tessie: oh Gary, buti naman at dumating ka na! may natanggap akong tawag buhat sa tita Gina mo buhat pa ng maynila, tanong niya sa ‘kin kung puede ka raw ba nilang kupkupin at duduon ka na lang sa kanila?! (ang pambungad ng matanda sa binata)

Gary: e ano hong sinagot niyo t’yang? (sagot naman nito sa t’yahin)

Aling Tessie: sabi ko, itatanong ko muna sa’yo! o ano? gusto mo ba?

Gary: e, pag-iisipan ko muna ho t’yang!

Aling Tessie: o sige ikaw bahala, siya maiwan na muna kita at sasaglit na muna ako sa bayan! at hanapin mo nga rin ‘yang pinsan mong si Arnold at lagi na lang wala dito sa bahay! (saad nito sa pamangkin at tanging pagtango lang ang sagot ni Gary hanggang sa tumalikod na ang matanda sa binata)

Isang magandang balita para kay Gary ang ibig ng t’yahin nitong si Gina sapagka’t pagkakataon na niya iyon upang makarating sa maynila. Subali’t ayaw din naman niyang iwan ang mag-asawa ng kaniyang t’yohin na pangalawa na niyang magulang at higit sa lahat ay ang nobya nito na si Chona labing siyam (19) na taong gulang. At pagkaraan niyang maisaayos ang sako-sakong uling na kaniyang dala-dala, alinsunod sa utos ng kaniyang t’yahin ay hinanap nito ang pinsan niyang si Arnold na matanda kay Gary ng limang taon.

Hinanap nga nito ang pinsan sa mga kaibigan nito nguni’t walang makapagsabi kung nasaan ang hinahanap na si Arnold. Hanggang isang bata ang makapagsabi dito na namataan nila ang pinsan ng binata doon sa ilog kung saan naman naligo ang bata kasama ang iba pang kapua bata nito. At dahil sa sinabing iyon ng bata ay agad na nagtungo si Gary sa nasabing ilog na may kalayuan sa kanila, nguni’t ang pagtungo niya sa nasabing ilog dito’y matutuklasan niya ang isang pangyayaring hindi niya inaasahan at ni sa isip ay hindi sa kaniya sumagi. Hanggang sa marating na nga nito ang nasabing ilog at mula doon ay sinimulan na nitong hanapin ang nasabing pinsan niyang si Arnold.

itutuloy –